85-СОЛИ БАДАХШОН

                   Хоруғ, 28 декабр. (АМИТ «Ховар»,Л. Додо ). — 2-юми январи соли 2010-ум ба таъсисёбии ВМКБ расо 85-сол пур мешавад.85-сол барои таърих фосилаи кӯтоҳ аст, вале барои Бадахшон ин давраи басо пурпечутоб ва тақдирсоз буд, зеро Бадахшон чун сарзамини кӯҳанбуёд дар таърих нақши муассир дошта бошад ҳам, танхо каме беш аз як аср чун минтақаи дорои ҳудуди маъмури ва мақомоти давлатӣ шинохта шуд.                   ВМКБ қисмати ҷудонопазири Тоҷикистон буда,аз ҳафт ноҳия иборат аст ва шаҳри Хоруғ маркази маъмурии он эътироф шудааст. Бо шарофати соҳибистиқлолии Тоҷикистон ва маблағгузориҳои ҳукумати марказӣ соли ҷорӣ дар вилоят бунёди 200 иншоот идома дорад.                     Бо фармони Президенти мамлакат ҷашни ваҳдати миллӣ, соли 2010 дар ВМКБ таҷлил мегардад, ки ин низ шаҳодати таваҷҷуҳи ҳукумати ҷумҳурӣ ва шахсан Сарвари давлат ба Бадахшон мебошад.