АРЗИШҲОИ МИЛЛӢ БА ИФТИХОРИ СОЛИ ИМОМИ АЪЗАМ

                  Суғд, 29 декабр. (АМИТ «Ховар», Мирзалӣ Амонов, Самад Юсуфӣ).-Баъди ноил шудан ба истиқлолияти давлатӣ ҳаёти халқи тоҷик маҷрои тозае ба худ гирифта, андешаи миллӣ бар пояи асолатҳои таърихӣ ва арзишҳои анъанавӣ рушди фарогир ёфт.                   Пайваста ба ин робитаҳои миллати тоҷик бо тамаддуни ҷахонӣ шиносои ва бархурдории вай аз арзишҳои умумибашари афзуданд. Густариши робитаҳо ва ҳодисаҳои ҷахони имрӯза Тоҷикистони соҳибистиқлолро бо равандҳои иқтисодӣ, иҷтимоӣ, сиёсӣ ва фарҳангии ҷаҳони муосир пайванди қавӣ доданд. Дар доираи манфиатҳои миллӣ худшиносии динии халқи тоҷик низ аҳамияти зиёде касб мекунад. Роҳу равиши дурусти он ба гуфтугӯи динҳо, ки ҷузъи асосии ҳама гуна тамаддун аст, ҳидоят мекунад ва мавқеи Тоҷикистони соҳибистиқлолро дар арсаи чаҳони устувор месозад. Барои ташаккули дурусти худшиносии динии халқи тоҷик истифодаи мероси ғании динӣ зарур аст. Мероси динӣ, аз ҷумла мероси фикхӣ ва каломии Имоми Аъзам, метавонад намунаи равшани гуфтугуи дин ва тамаддунҳоро арзёбӣ кунад.                   Хушбахтона, ба шарофати таҳким ёфтани давлати соҳибихтиёри миллӣ, кӯшишу талошҳои доимии Ҳукумати ҷумхурӣ, махсусан дастгириву пуштибонии мардуми бошарафи Тоҷикистон, дар ҷомеаи кишвар суботу амният таъмин гашт.                    Имоми Аъзам тоҷики шарафмандест, ки равияи ақлонии фикхии Исломиро поягузорӣ ва мактаби худро бунёд намудааст. Дар шароити имрӯза бо мақсади риоя ва татбиқи асли гуфтугӯи динҳо, фархангҳо, тамаддунхо шинохти мероси бебаҳои ин факехи бузург ҳам барои миллати тоҷик ва ҳам барои тамоми халқҳои мусулмон аҳамияти бузургеро молик аст. Фарзанди фарзонаи халки тоҷик Имоми Аъзам яке аз мазҳабхои аввалин гузошта тавонист, ки адолат ва инсонпарвариро ҳар як марди мусулмон муқаррар намояд.