ФИРДАВСӢ ДАР «РОҒУН» ЛАНГАР МЕПАРТОЯД

                    Душанбе, 15 декабр.(АМИТ «Ховар», Марзия Саидова).-Роҳбарияти Китобхонаи миллии Тоҷикистон ба номи Абулқосим Фирдавсӣ тасмим гирифтааст, ки дар шаҳраки сохтмонии Нерӯгоҳи барқи обии «Роғун» шӯъбаи Китобхонаро ифтитоҳ намояд. Ин иқдом бо мақсади хуш гузаштани истироҳати фарзандону оилаҳои сохтмоничиёни ин иншооти муҳими аср ва таъмини онҳо бо адабиёти илмию бадеӣ андешида шудааст, гуфт дар сӯҳбат ба хабарнигори АМИТ «Ховар» мудири Китобхонаи миллии Тоҷикистон Шариф Тошев.                   Ҳамчунин, дар Китобхонаи миллӣ гӯшаи махсус ташкил карда шудааст, ки дар он китобҳои вобаста ба сохтмони ин нерӯгоҳ ба маърази тамошо гузошта шудааст.                    Кормандони Китобхона миллӣ музди маоши якрӯзаи худро ба суратҳисоби сохтмони НБО- «Роғун» гузаронида, ҳамчунин ният доранд, ки ба маблағи 10 ҳазор сомонӣ саҳмияҳои НБО «Роғун»-ро харидорӣ намоянд.