КУШТОРИ БЕРАҲМОНА ДАР ХУҶАНД

                  Душанбе , 9 декабр. (АМИТ «Ховар», Таҳмина Ғоибназарова). — Дар шаҳри Хуҷанд барои ҷустуҷӯ ва фош кардани ҷинояткоре гурӯҳи махсус ташкил дода шуд, ки 7 декабр ба ҷони ду нафар сӯиқасд намуда, як нафарро бераҳмона ба ҳалокат расонида, нафари дигарро сахт маҷрӯҳ кардааст.                   Мухбири АМИТ «Ховар» хабар медиҳад, ки субҳи 7 декабр дар маҳаллаи 34 – уми шаҳри Чкаловск ҷасади Дмитрий Чернихи 21 — сола ёфт шуд. Дар ҷасад нишонаҳои марги маҷбурӣ мушоҳида карда мешавад. Қотил ба сар, гардан ва қафаси синаи мақтул бо корд зарбаҳои марговар задааст. Дар ҳамин ҷо Светлана Дюи 23 — сола ёфт шуд, ки сахт маҷрӯҳ гардида буд. Шахси номаълум бо корд ба гардан ва қафаси синаи маҷрӯҳ зарба задааст. Духтари маҷрӯҳ фавран ба шифохона фиристода шуд.                    Аз рӯи ин воқеаҳо мувофиқи моддаи 104 – и Кодекси ҷиноии Ҷумҳурии Тоҷикистон парвандаи ҷиноӣ кушода шуд ва тафтиши он давом дорад.