МУЛОҚОТИ АЛМААТО

                  Душанбе, 9 декабр. (АМИТ «Ховар», Наталя Михайлова) — Имрӯз, дар шаҳри Алмаатои Ҷумҳурии Қазоқистон Мулоқоти ҳаштуми ҷонибдорони Меморандум оид ба ҳамдигарфаҳмӣ ва ҳамкорӣ дар соҳаи назорат аз болои истеҳсол ва гардиши ғайриқонунӣ, пешгирӣ кардани истифодаи барзиёди маводи мухаддир, маводҳои фалаҷкунандаи асаб ва прекурсорҳо(МОВ) идома ёфт.                 Дар ҷаласаҳои мулоқоти мазкур роҳбарияти Ҷумҳурии Қазоқистон, муовини Котиби генералии СММ, директори иҷроияи Раёсати СММ оид ба маводи мухаддир ва ҷиноятҳои ба он вобаста Антонио Мария Коста, роҳбарони ниҳодҳои ҳамоҳангсоз ва масъули кишварҳои узви Маркази минтақавии иттилоотӣ (САРИКС): Озарбойҷон, Қазоқистон, Қирғизистон, Русия, Тоҷикистон, Турманистон ва Ӯзбекистон иштирок доранд.                  Тавре ба мухбири АМИТ «Ховар» иттилоъ доданд, директори Агентии мубориза бар зидди маводи мухаддири назди Президенти Ҷумҳурии Точикстон генерал-лейтенанти милиса Рустам Назаров низ дар ин ҳамоиш ширкат карданд.