ПОРАГИР ДАСТГИР ГАРДИД

                  Душанбе, 21 декабр.( АМИТ «Ховар», Акрам Ҳаитов) — Сармутахасиси Раёсати хадамоти давлатии назорат ва танзим дар соҳаи нақлиёти ш. Душанбе Бобохонов Нуралӣ Сафаралиевич, барои ба ҷавобгарии маъмурӣ накашидан бинобар надоштани иҷозатнома аз шаҳрванд «Ш» бо роҳи тамаъҷӯӣ ба маблағи 500 сомонӣ пора талаб кардааст.                  Дар натиҷаи гузаронидани чораҳои фаврӣ -ҷустуҷӯӣ 24 октябри соли 2009 Бобохонов Н. С. ҳангоми гирифтани пора аз шаҳрванд “Ш” ба маблағи 400 сомонӣ Сарраёсати Агентӣ дастгир карда шуд.                  Тавре аз Шӯъбаи пешгирии коррупсияи Агентии назорати давлатии молиявӣ ва мубориза бо коррупсияи Ҷумҳурии Тоҷикистон иттилоъ доданд, дар ҳаракатҳои Бобохонов Н.С. аломатҳои ҷиноятии дар моддаи 319 қ.1 КҶ ҶТ пешбинишуда, дида мешавад. Айни ҳол нисбати ӯ чораҳои пешбининамудаи қонунӣ татбиқ шудаанд.