РОНАНДА ЧӢ ГУНОҲ ДОШТ?

                    Душанбе, 10 декабр. (АМИТ «Ховар», Жасмин Назарова). – Тавре аз дафтари матбуоти Сарраёсати Хадамоти давлатии оташнишонии ВКД ҶТ ба АМИТ «Ховар» иттилоъ доданд, дар санаи 8 декабри соли ҷорӣ дар деҳаи Руҳаки ҷамоати деҳоти Деҳмои вилояти Суғд автомашинаи тамғаи «Опел-Вектра», рақами давлатиаш ВК 19 11 РТ 02, ки ба ба сокини ноҳияи Б.Ғафуров Маъруф Раҳимови 31 сола тааллуқ дорад, оташ гирифт.                    Ҳангоми ба ҷои ҳодиса расидани оташнишонон автомашинаи мазкур дар масоҳати 4 метри мураббаъ сӯхта корношоям гардида буд.                     Инчунин аз автомашина ҷасади ронанда бо аломатҳои марги маҷбурӣ дарёфт гардид. Нисбати ин ҳодиса парвандаи ҷиноӣ кушода шуда, тафтишот идома дорад.