ҒОРАТГАРИ НОБОЛИҒ

                 Душанбе, 8 январ. (АМИТ «Ховар», Жасмин Назарова). – Аз тарафи кормандони шӯъбаи корҳои дохилии ноҳияи Фирдавсӣ С. Бобоёров дастгир карда шуд, иттилоъ дод сардори маркази матбуоти Вазорати корҳои дохилии ҶТ Маҳмадулло Асадуллоев.                    Мазкур рафти ҳодисаро ба хабарнигори АМИТ «Ховар» чунин шаҳр дод: 6 январи соли равон ба шӯъбаи корҳои дохилии ноҳияи Фирдавсӣ аризаи шаҳрванд Забибулло Зайниддинов истиқоматкунандаи ноҳияи Рӯдакӣ ворид гардид, ки дар он гуфта шудааст, шабона дар назди мағозаи «Гарант» воқеъ дар кӯчаи Н. Қарабоев ноболиғ Сиёвуш Бобоёрови 17 сола, истиқоматкунандаи шаҳри Норак бо ҳамроҳи рафиқонаш, ки шахсияташон барои тафтишот номаълум аст, ба тариқи зӯрӣ аз дасти З. Зайниддинов 200 доллари амрикоиро гирифта аз ҷои ҳодиса ғайб заданд.                    Айни замон корҳои фаврӣ-ҷустуҷӯӣ барои муайян намудани дигар иштирокчиёни ин ҳодиса идома дорад.