200 ҲАЗОР СОМОНӢ БАРҚАРОР КАРДА ШУД

                   Душанбе, 8 январ. (АМИТ «Ховар», Лаззат Диловарзод).- Кормандони шӯъбаи минтақавии Агентии мубориза бо коррупсияи ҷумҳурӣ дар ноҳияи Рашт дар вақти гузаронидани корҳои фаврӣ муайян намуданд, ки мудири шӯъбаи рақами 2 — и «Амонатбонк» — и ноҳияи Тавилдара дар давоми солҳои 2008 – 2009 бо истифода аз ваколатҳои хизматиаш бо роҳи тартиб додани парвандаҳои қарзии қалбакӣ 200 ҳазор сомониро тасарруф намуда, барои эҳтиёҷоти шахсиаш истифода намудааст.                    Дар натиҷаи санҷиш 200 ҳазор сомонӣ ба буҷаи давлат гузаронида шуда, нисбати М.Г. Сафаров аз рӯи аломатҳои ҷинояти дар моддаи 245 қ.4 банди «б» (азонихудкунӣ ё исрофкорӣ) – и Кодекси ҶҶТ пешбинишуда, парвандаи ҷиноӣ оғоз карда шудааст.