ФАЪОЛИЯТИ ФИЛИАЛИ ДДМ ВУСЪАТ МЕЁБАД

                  Душанбе, 6 января. (АМИТ «Ховар», Луюдмила Дубинина). — Филиали Донишгоҳи давлатии Маскав ба номи Ломоносов дар шаҳри Душанбе рӯзҳои наздик аз Маркази миллии патентии Вазорати рушди иқтисод ва савдо ба бинои Донишкадаи собиқи нақлиёт мекӯчад. Синфхонаҳои бинои мазкур бо асбобу анҷоми навтарини техникӣ, алоқа ва иттилоотӣ таҷҳизонида шудаанд.                   Иҷрокунандаи вазифаи директори филиали ДДМ Ҳайдар Одинаев ба мухбири АМИТ «Ховар» гуфт, ки барои бинои нави донишгоҳ синфхонаҳои махсуси забономӯзӣ, компютерӣ, озмоишгоҳҳо ва матбааи алоҳида муҷаҳҳаз гардонида шудаанд. Филиали ДДМ фаъолияти худро тадриҷан вусъат хоҳад дод, дар он факултаҳои нав кушода мешаванд. Ҳукумати Тоҷикистон ва маъмурияти ДДМ ба номи Ломоносов паймон кардаанд, ки соли таҳсили 2010 – 2011 дар филиали донишгоҳ факултаҳои нави геология, идораи давлатии мунисипиалӣ ва лингвистика кушода шаванд. Ба ин факултаҳо соли аввал 110 нафар қабул карда мешаванд.                   70 фоизи омӯзгорони филиали донишгоҳ аз Маскав даъват карда, 30 фоизи онҳо аз Тоҷикистон интихоб карда мешаванд. Барои омӯзгорони мусофир дар бинои нави донишгоҳ барои истиқомати муваққатӣ ҳуҷраҳои алоҳида ҷудо карда шудаанд. Дар заминаи Литсеи президентӣ барои донишҷӯёни ояндаи ДДМ курсҳои тайёрӣ кушода мешаванд, гуфт Ҳайдар Одинаев.