МАҶЛИСИ ШӮРОИ НАМОЯНДАГОНИ ДВЛАТҲОИ ИДМ

Минск,  29 январ. (АМИТ «Ховар», Наргис  Бояхмедова). – Субҳи  имрӯз  дар  Минск  маҷлиси  навбатии  Шӯрои  намояндагони  доимии  ваколатдори  давлатҳои  ИДМ   кушода  шуд.  Дар  маҷлис  масъалаҳои  фаъолияти  Шӯрои байнидавлатии  геодезия,  харитасозӣ,  кадастр ва таҳқиқи  қитъаҳои  алоҳидаи  Замин   муҳокима  карда  мешавад. Аъзои  Шӯро инчунин  лоиҳаи  рӯзномаи  маҷлиси  Шӯрои  вазирони   корҳои  хориҷиро  мавриди  баррасӣ  қарор  медиҳанд. Баъдан   пешниҳодҳо  ба  лоиҳаи  рӯзномаи  маҷлиси  навбатии  Шӯрои  сарони  ҳукуматҳои  ИДМ  баррасӣ  карда хоҳад шуд. Маҷлиси  Шӯрои  вазирони  корҳои  хориҷии  мамлакатҳои  ИДМ  24  март  дар  Маскав   баргузор  мегардад. Мухбири  АМИТ «Ховар»  хабар  медиҳад, ки  дар  ҳамин  маҷлис  роҳбари гурӯҳи  нозирони  мамлакатҳои  ИДМ   дар  интихоботи   вакилони  Маҷлиси  намояндагони  Ҷумҳурии Тоҷикистон  интихоб  карда  мешавад. Дар маҷлис намояндаи  доимии Тоҷикистон  дар  Кумитаи  иҷроияи  ИДМ,  сафири   Ҷумҳурии  Тоҷикистон  дар  Белорусия  Қозидавлат Қоимдодов  иштирок дорад.