САФАРИ РӮЗНОМАНИГОРОНИ ТОҶИК БА ЭРОН

                  Душанбе, 8 январ.(АМИТ «Ховар»,Марзия Саидова).-Гурӯҳи рӯзноманигорони тоҷик, ки аз роҳбарону сармуҳаррирони хабаргузориҳои миллӣ ва мустақили Тоҷикистон ба мисли «АМИТ «Ховар», «Азия Плюс», Радиои Тоҷикистон, шабакаҳои телевизионӣ ва ҳафтаномаи «Чархи гардун» иборат аст, 8 январ ба Ҷумҳурии Исломии Эрон сафар карданд.                   Сафари намояндагони васоити ахбори оммаи Тоҷикистон ба Эрон аз ҷониби намояндагии Кумитаи байналмилалии ба номи имом Хумайнӣ дар Тоҷикистон сурат гирифт.                     Муддати як ҳафта рӯзноманигорони тоҷик бо вазъи васоити ахбори ин кишвар ошно гардида, бо ҳамкасбони эронии худ дидору мулоқот менамоянд. Инчунин, аз шаҳрҳои Теҳрону Машҳад ва Шероз боздид намуда, бо ёдгориҳои қадимаю таърихии ин кишвар ошно мегарданд.