ҲАЙАТИ ФОНДИ БАЙНИДАВЛАТИИ ҲАМКОРИИ ГУМАНИТАРИИ ИДМ БА ДУШАНБЕ МЕОЯД

Душанбе,  15  феврал. (АМИТ «Ховар», Наргис  Бояхмедова). –  Ҳайати  намояндагони  Фонди   байнидавлатии  ҳамкории  гуманитарии   давлатҳои  ИДМ  таҳти роҳбарии   директори  фонд  Армен  Смбатян  16  феврал  барои  боздиди  дурӯза  ба  Душанбе  меояд.  Ба  ҳайат  инчунин   кормандони  «ТВ Центр» ва  нашрияи «Независимая  газета»  шомиланд. Меҳмонон  зимни  сафар   бо  Сарвазири  ҷумҳурӣ  Оқил  Оқилов,  муовини он  Руқия  Қурбонова,  мушовири давлатии  Президенти  ҷумҳурӣ,  узви  Шӯрои   ҳамкории   гуманитарии  мамлакатҳои  ИДМ Саймурод  Фаттоев  ва роҳбарияти  Вазорати  маорифи  Ҷумҳурии Тоҷикистон  мулоқот  мекунанд. Зимни  сафар  ба мактаб – интернати нобиноёни  ноҳияи  Ҳисор   кӯмаки башардӯстона  супурда  хоҳад  шуд. Ҳайат  инчунин  ба  Китобхонаи  миллии  ба  номи  Абулқосим  Фирдавсӣ  китобҳоеро  тӯҳфа  хоҳад  кард, ки  бо  дастгирии  молиявии  фонд  чоп  шудаанд.