БОЗДИДИ САРВАЗИР АЗ СОХТМОНИ НБО «РОҒУН»

Душанбе,  23  феврал. (АМИТ «Ховар», Фарангис  Раҳимова). —  Ҳайати  ҳукуматии  ҷумҳурӣ  таҳти роҳбарии  Сарвазири  мамлакат  Оқил  Оқилов  имрӯз  ба  майдони  сохтмони  Нерӯгоҳи барқии  обии  «Роғун»  рафт. Ҳадафи  асосии  сафари  ҳайат  шиносоӣ  бо  ҷараёни  сохтмони  нерӯгоҳ  ва гузаронидани  маҷлиси  Шӯрои нозирони  он мебошад, ки  бо  қарори  Ҳукумати  ҷумҳурӣ таъсис  ёфтааст. Мухбири  АМИТ «Ховар»   хабар  медиҳад, ки дар  маҷлиси  Шӯрои нозирон  ҳисоботи  директори  генералии  Ҷамъияти  саҳҳомии  НБО «Роғун» Нурулло  Шулашов  шунида шуд. Вай  зикр намуд, ки  имрӯз  дар  сохтмони  нерӯгоҳ тақрибан  7  ҳазор  коргару  мутахассис  кор  мекунад. Дар  майдони  сохтмони нерӯгоҳ  600 ҳазор  метри  мукааб  бетон  рехта  шуд, то  даҳрӯзаи  аввали   моҳи  март  дар  ин  ҷо  1000  метри  мукааб  бетон рехта  хоҳад  шуд. Дар  маҷлис  нақшаи   иҷрои  корҳои  сохтмонӣ  дар  соли  2010  ва тартиби   маблағгузорӣ  ба  сохтмони  нерӯгоҳ  муайян  карда шуданд.