ДАР АФҒОНИСТОН ОДАМОН ЗЕРИ БАРФ МОНДАНД

Кобул,  15  феврал. (АМИТ «Ховар – РИА «Новости»). – Сардори   хадамоти таъмини  амнияти  роҳҳои  мошингарди  Афғонистон генерал Раҷаб ба  журналистон  хабар  дод, ки  роҳи  асосии   мошингарди  мамлакат  ба  воситаи  ағбаи  Соланг боз  бар  асари  боридани  барфи  зиёд  ва  фуромадани  тарма  баста  шуд. Генерал  зикр намуд, ки  ҳаракати  нақлиёт  дар   ағбаи  Соланг   шоми  рӯзи  якшанбе  манъ  карда шуда буд. Вале  гурӯҳи  калони  ронандагони  бемасъулият ғавчӯби  посгоҳи   кормандони  политсияи  роҳбонро   шикаста,  талаботи онҳоро  ба  инобат нагирифта,  бо  роҳи  ағбаи  Соланг  ҳаракат  карданд. Ҳамон  вақт  дар  роҳи мошингарди  ағбаи  Соланг  дар  якчанд  ҷой  тарма  фаромада,  садҳо  мошини  сабукрав,  автобусҳо ва  мошинҳои боркашро  пахш  намуд.  Корҳои наҷотдиҳӣ  дар  ағба   ду рӯз боз  давом  доранд. То  имрӯз  аз  зери  барфу тарма  қариб  200  ҷасад ёфт  шуд. Рӯзи  гузашта  қариб  3000  нафар  аз  иҳотаи  барфу тарма  бароварда  шуд,  гуфт генерал  Раҷаб.