ДАР ФАЙЗОБОД МАРКАЗИ НАВИ САЛОМАТӢ БА МАБЛАҒИ 600 ҲАЗОР СОХТА МЕШАВАД

Файзобод, 22 феврал. (АМИТ «Ховар», Зебо Давлатова).Тавре, ки сардухтури беморхонаи марказии ноҳияи Файзобод Кароматулло Шарифов ба хабарнигори АМИТ»Ховар» иттилоъ дод,соли 2009 дар соҳаи тандурустӣ як қатор навгониҳо ба амал омад. Шӯъбаҳои бемориҳои сироятӣ, кардиологӣ ва озмоишгоҳи беморхонаи марказӣ пурра аз таъмири асосӣ бароварда шуд, ки ин 600 000 сомониро ташкл дод. Кушодани шӯъбаи кардиологӣ ва диабети қанд дар дохили шӯъбаи муолиҷавии беморхонаи марказӣ, таъмири шӯъбаҳои ҷарроҳи ва кӯдакона низ ба маблағи  35000 ҳазор сомонӣ бо дастгирии раиси ноҳия Абдулло Ҳакимов дар арафаи анҷомёбист. Сардухтӯр афзуд, ки соли 2010 сохтмони маркази саломатӣ ба маблағи 600000 сомонӣ оғоз гардид ва ин албатта баҳри беҳбудии  саломатии мардум дар ноҳия иқдоми некест. Бояд гуфт, ки ин аввалин иншоотест, ки дар оғози сол сохтмончиён ба ӯҳда гирифтаанд ва дар оянда сохтмону аз навбарқарорсозӣ  давом дорад, гуфт К. Шарифов.