ДАСТ БА КИСА ЗАДУ БА ДАСТ АФТОД

Душанбе, 10 феврал. (АМИТ «Ховар», Жасмин Назарова). — Тавре ба хабарнигори АМИТ «Ховар» аз дафтари матбуоти Вазорати корҳои дохилии ҶТ иттилоъ доданд, 9 феврали соли ҷорӣ шаҳрванд Шамсиддин Қамариддинов дастгир карда шуд. Ҷинояткор дар боғи «Дӯстии халқҳо» воқеъ дар кӯчаи Фирдавсӣ ба тариқи ошкоро аз кисаи шаҳрванд як адад телефонии мобилии тамғаи «Нокиа – 2600», ки арзишаш 335 сомонро ташкил медод, гирифта аз ҷои ҳодиса ғайб зад. Дар натиҷаи ташкил додани кофтукови фаврӣ-ҷустуҷӯӣ ҷинояткор дастгир карда шуд. Нисбати ин ҳодиса парвандаи ҷиноӣ боз шуда, тафтишот идома дорад.