ФУРӮШИ САҲМИЯҲО ДАР БОЗОРИ «БАРАКАТ»

Душанбе,  23  феврал. (АМИТ «Ховар», Покиза  Маҳмадбекова). —  Ҷамъияти  саҳҳомии  «Бонки  рушди  Тоҷикистон» имрӯз   дар  бозори  «Баракат»  фурӯши  саҳмияҳои  НБО «Роғун» — ро ташкил  намуд.  Бояд  гуфт, ки  бонки  мазкур   дафъаи  чорум   фурӯши  саҳмияҳои  НБО «Роғун» — ро  дар   маҳалҳои  серодам  ва  бозорҳои  пойтахт  ташкил  менамояд. Мухбири  АМИТ «Ховар»  хабар  медиҳад, ки   имрӯз  дар  ҷараёни  маърака  дар  бозори  «Баракат»  ба  маблағи  бештар  аз  200  ҳазор  сомонӣ саҳмия  фурӯхта   шуд. Ҳадафи  гузаронидани  чунин  маъракаҳо  сарфа  кардани  вақти  соҳибкорону  тоҷирон  ва  кормандони  бозорҳо  мебошад. Ҷамъияти  саҳҳомии  «Бонки рушди  Тоҷикистон» то 20  феврал  аз  ҳисоби  фурӯши  саҳмияҳо  ва  сертификатҳои  Ҷамъияти  саҳҳомии  НБО «Роғун»  2  миллиону  236  ҳазору  400  сомонӣ   ҷамъ  овард.