ГУРӮҲҲОИ МУШТАРАКИ ЗУДАМАЛИ ТАФТИШОТИИ ИДМ

Душанбе, 1  феврал. (АМИТ «Ховар», Наталя  Михайлова). —  2 – 3  феврал  дар  шаҳри  Минск  маҷлиси  гурӯҳи  коршиносони  мамлакатҳои  ИДМ  баргузор  мегардад. Дар он  лоиҳаи Созишномаи  тартиби  ташкил ва  фаъолияти  гурӯҳҳои  муштараки   зудамали  тафтишотӣ  дар   қаламрави  давлатҳои  аъзои  ИДМ муҳокима  ва  мувофиқа  карда  мешавад. Гурӯҳҳои  мазкур  дар  қаламрави  мамлакатҳои  алоҳида  ё  якчанд  мамлакат барои  тафтиши  ҷиноятҳои  хаҷман  калон, ки  гузаронидани  ҳаҷми  бештари  амалиёти тафтиш ва  ҷустуҷӯиро талаб  менамоянд, ташкил  карда  хоҳанд шуд. Лоиҳаи  созишнома  мувофиқ  намудани  фаъолияти   мақомоти  салоҳиятдори  мамлакатҳои  ИДМ – ро дар  масъалаи  тафтиши   парвандаҳои  ҷиноӣ,  осонтар  сохтани  ҷараёни  ҳамкорӣ,  муҳайё  сохтани  шароит  барои   мубодилаи  таъҷилии  маълумот,  дастраси  ҳамдигар  гардонидани  маълумот дар  бораи  тафтиши  парвандаҳои  ҷиноӣ,  ба  нақша  гирифтани   амалиёти тарафҳо  ва  ба  роҳ  мондани тафтиши  парвандаҳои  ҷиноӣ  дар  мамлакатҳои  алоҳида, ҳалли  масъалаҳои  вобаста ба  нигоҳ  доштан  ва   дастраси  ҳамдигар  гардонидани  далелҳои шаъӣ,  иҷро  намудани  дастурҳо барои ташкили  тафтиш,  ҳамкорӣ  зимни  гузаронидани   мурофиаҳои  судӣ  ва тадбирҳои  дигар  дар  қаламрави  мамлакатҳои  ИДМ ва  ғайраро  пешбинӣ  менамояд. Дар  ин  бора  аз  дафтари  матбуоти  Кумитаи  иҷроияи  ИДМ  ба  АМИТ «Ховар»  хабар  доданд.