ХАРИДИ САҲМИЯ АСОСИ ПЕШРАВИИ СОХТМОН

Суғд, 19 феврал.(АМИТ «Ховар», Самад Юсуфӣ, Мирзалӣ Амонов).- Абдуҷамил Саидов —  раиси хоҷагии деҳқонии «Чашма»-и Ассотсиатсияи хоҷагиҳои деҳқонии Тоҷикистони ноҳияи Б.Ғафуров яке аз фардони ватандӯст ҳисобида шуда, аз рӯзҳои аввали сохтмони НБО «Роғун» ҳиссаи арзандаи худро мегузорад. Ӯ азм кардааст, ки аз ҳисоби ҳочагӣ 50 ҳазор сомонӣ ва аз ҳисоби пасандози оилавиаш 15 ҳазор сомонӣ саҳмияи Роғунро харидорӣ намояд. Аллакай вай дар марҳилаи дуюм ба ваъдаи худ вафо кард. Инчунин дигаронро низ даъват менамояд, ки барои ҳарчи тезтар бунёд ёфтани ин иншооти аср ҳиссаи арзандаи худро гузоранд.