ИНТИҚОЛГАРИ ГЕРОИН ДАСТГИР ШУД

Душанбе, 18 феврал. (АМИТ «Ховар», Жасмин Назарова). – 17 феврали соли ҷорӣ дар ошхонаи «Эҳсонҷон» воқеъ дар ноҳияи Б. Ғафуров шаҳрванд Фируз Давлатмаҳмадови 33 сола истиқоматкунандаи шаҳри Чкаловски вилояти Суғд дастгир карда шуд. Тавре ба хабарнигори  АМИТ «Ховар» аз дафтари матбуоти Вазорати корҳои дохилии ҶТ иттилоъ доданд, ҷинояткор Ф. Давлатмаҳмадов ғайриқонунӣ маводи нашъадори сахттаъсири героинро интиқол медод. Ташхис нишон дод, ки вазни умумии он 1 кг 15 гр ташкил медиҳад. Нисбати ин далел парвандаи ҷиноӣ оғоз шуд. Тафтишот идома дорад.