ИСТЕҲСОЛИ КАЛОБА ДАР ФАРХОР.

Фархор, 2 феврал. (АМИТ «Ховар», Сулаймон Холов). — Бо  мақсади  рушди  соҳаи  саноат ,  фароҳам  овардани  ҷойҳои  нави  корӣ  аз  тарафи  ҶДММ  «Корпоратсияи Зиёратшоҳ» дар  мавзеи  Уртабуз  фабрикаи  ресандагии  «Фаррес»  бо  иқтидори  истеҳсолии  1000 т  калоба дар  як  сол,   сохта  ба  истифода  дода  шуд. Дар  сурати  фаъолияти  пурраи ин корхона  дар  3  баст  зиёда  аз  700  нафар  коргарону  мутахасисон  соҳиби  ҷои  кори  доимӣ хоҳанд шуд. Айни ҳол  дар  ҷамоати  деҳоти  Дарқад, Фархор, Деҳқонариқ  ва Ғалабаи ноҳия  сехҳои  хурди  коркарди  маҳсулотҳои  кишоварзӣ   бо  иқтидори  солонаи  ҳар  кадом  60  ҳазор  қуттии  шартӣ  ба  кор  оғоз  намуданд.