НАМОЯНДАИ &#1202ИЗБИ &#1202ОКИМ БО &#1202ИЗБИ НА&#1202ЗАТ ДАР ЯК ҲАВЗА &#1178УВВА МЕОЗМОЯНД

Душанбе, 8 феврал.(АМИТ «Ховар», Марзия Саидова).-То имрӯз дар ҳавзаи якмандатаи интихоботии №3 Шоҳмансур,  9 вохӯрии номзадҳо ба вакили Маҷлиси намояндагони Маҷлиси Олии Ҷумҳурии Тоҷикистон бо интихобкунандагон баргузор гардид, гуфт дар сӯҳбат ба хабарнигори АМИТ «Ховар» раиси комиссияи ҳавзавии интихоботии Шоҳмансур № 3 Абдулло Холиқов. Мавсуф афзуд, ки чунин вохӯриҳо дар маҳаллаҳои Шоҳмансур -2, Ховарон -1 ва 2, Бӯстон,  Роҳи нав, Хайробод,  Зебуниссо, Бедил ва Улуғбек баргузор гашта,  номзадҳо дар ин вохӯриҳо барномаи пешазинтихоботии худро, ки ба рушди минбаъдаи иқтисодиёти кишвар ва баланд бардоштани сатҳи иҷтимоии ҷомеа нигаронида шудааст, ба мардум муаррифӣ намуданд. Бояд зикр кард, ки дар ин ҳавза 60 ҳазор райъдиҳанда ба қайд гирифта шудааст. Абдулло Холиқов гуфт, ки дар ҳавзаи якмандатаи интихоботии №3 Шоҳмансур дар маҷмӯъ 5 номзад -Сафаралӣ Раҷабов намояндаи  Ҳизби халқӣ -демократии Тоҷикистон,  Гулбарг Файзова аз  Ҳизби наҳзати исломии Тоҷикистон, Ҳилола Акрамова, Гулҷаҳон Назарова ва Ҷумъақул Холматов ба таври худпешабрӣ ба қайд гирифта шудаанд.        Дар ҳудуди ҳавзаи интихоботии  №3 Шоҳмансур 53 участкаи интихоботӣ ташкил карда шуда, то имрӯз ҷиҳати баланд бардоштани фаъолияти ҳуҷҷатгузории  ҳайати комиссияи участкаҳо ва раисони он ду маротиба машғулияти омӯзиши гузаронида шуд ва дар оянда ташкили чунин чорабиниҳо дар назар дошта шудааст.