НОКОМӢ ДАР ХАТСАЙРИ ДУШАНБЕ – БИШКЕК

Душанбе, 24 феврал. (АМИТ «Ховар», Лаззат Диловарзод).- Сафарҳои ғаразноки шаҳрвандони хориҷӣ, ки аз Душанбе ба самтҳои дигари хориҷи кишвар анҷом меёбанд, дар бисёр маврид ба нокомӣ мерасанд, — иброз доштанд дар гумруки майдони ҳавоии пойтахт ба мухбири АМИТ «Ховар». Бо вуҷуди он ки дар давоми солҳои охир чандин шаҳрвандони хориҷӣ аз гардиши ғайриқонунии маводи нашъаовар дар хатсайрҳои ҳавоию роҳи оҳан ва нақлиётӣ боркашонӣ дар самти ҳаракати Душанбе ва хориҷи он дастгир шуда, паси панҷара мешинанд, аммо кам  шахсоне ёфт мешавад, ки аз ин дарси ибрат гирифта бошанд. Ҳафтаи сипаришуда,  бори аввал дар хатсайри Душанбе – Бишкек як шаҳрванди Федератсияи Русия ва ду шаҳрванди Литва бо 5 кило маводи нашъаовар дастгир шуданд. Оид ба ин  воқеаи дар майдони ҳавоии   Душанбе рух дода парвандаи ҷиноӣ оғоз шуда, алоқаи байни нашъаҷаллобон тафтиш карда мешавад.