ОМОДАГӢ БА ИНТИХОБОТИ ВАКИЛОН ДАР КАДОМ САТҲ ҚАРОР ДОРАД?

Мӯъминобод, 23 феврал (АМИТ «Ховар», Сулаймон Холов).- «Дар  ноҳияи  Мӯъминобод  омодагӣ  ба  интихоботи вакилон ба  Маҷлиси  намояндагони   Маҷлиси  олии  Ҷумҳурии Тоҷикистон ва  маҷлисҳои маҳаллии  вакилони халқ  мувофиқи талаботи санадҳои қонунгузорӣ ба роҳ монда шудааст»,- гуфт  ба мухъбири АМИТ «Ховар», раиси  комиссияи  ҳавзаи  интихоботии   Мӯъминобод — 38  Раҷабалӣ  Табаров.  Дар  ноҳия  125  участкаи  интихоботӣ  созмон дода шуда, ҳангоми омодагиҳо ба раванди  интихобот  4 семинар, 18  вохӯрӣ ба  аҳолии  ҷамоатҳои  шаҳраку  деҳот гузаронида  шуд,  ки  дар он беш аз  2000 нафар  аҳолии   нохия  ширкат   варзиданд. Номзадҳо ба вакилӣ,  дар  рафти  вохурӣ  барномаҳои пешазинтихоботии худро ба  интихобкунандагон шинос карда таъкид  сохтанд, ки  дар интихоботи  дар пешистода ба таври фаъол иштирок кунанд.