ВАЗЪИ ҲАВО БАРОИ СЕ РӮЗИ ОЯНДА

 Душанбе,  15  феврал. (АМИТ «Ховар», Кристина  Эрлих). – Сардори  Маркази  ҳавосанҷии  Муассисаи  давлатии  пешгӯии вазъи  ҳавои  ҷумҳурӣ  Ҷамила  Байдуллоева  ба  АМИТ «Ховар» хабар  дод, ки  рӯзҳои  15 ва 16  феврал  дар  водиҳои  мамлакат   ҳавои тағйирёбандаи  абролуд ва  бебориш   пешбинӣ карда  мешавад. Рӯзҳои оянда  танҳо  дар  минтақаи  кӯҳистон  ва доманакӯҳҳо  барф  меборад. Ҳарорати  ҳаво тадриҷан  гарм  мешавад.  Бегоҳии  17  феврал дар баъзе  минтақаҳо  борон меборад. 16  феврал  ҳавои  қисмати  бештари  минтақаҳои  ҷумҳурӣ гарм  мешавад. Ҳарорати  ҳаво  дар  вилояти  Хатлон  аз сифр то 5  дараҷа гарм,  дар  вилояти  Суғд  аз 2  дараҷа  хунук  то  3  дараҷа  гарм,  дар  ноҳияҳои тобеи  марказ аз сифр то 5  дараҷа гарм,  қисмати  ғарбии  Вилояти  Мухтори  Кӯҳистони  Бадахшон  аз 3  дараҷа  хунук то 2  дараҷа  гарм,  дар қисмати   шарқии ҳамин вилоят  аз 8 то  13  дараҷа  хунук  ва дар  шаҳри  Душанбе  аз 3 то  5  дараҷа  гарм  хоҳад шуд. Ба  қавли  ҳавосанҷҳо, рӯзҳои оянда дар  мамлакат  сардии  ҳаво  ва  яхбандӣ  пешбинӣ  карда  намешавад.