ВИЛОЯТИ СУҒД ПЕШСАФ АСТ

Душанбе, 15 феврал. (АМИТ «Ховар», Лаззат Диловарзод).- Кишоварзони вилояти Суғд дар ҷумҳурӣ яке аз аввалинҳо шуда аз иҷрои нақшаи шудгори заминҳои пахта баромаданд. Тибқи дурнамо, шудгори 54 ҳазору 596 гектар заминҳои пахта дар ин вилоят  пурра анҷом дода шудааст. Кишоварзони вилояти Хатлон бошанд аз 108 ҳазору 260 гектар  замини барои кишти пахта пешбинишуда, 82 ҳазору 430 гектарашро шудгор намуданд, ки он баробари 78,9 фоизи дурнамо мебошад. Дар ноҳияҳои тобеи ҷумҳурӣ бошад, аз майдони 7522 гектар замини пахта 7 ҳазору 300 гектари он шудгор кардашудааст, ки нисбат ба соли 2009 хеле зиёд аст. Пахтакорон аз аввалин омиле, ки барои баландҳосилӣ зарур аст, дар соли ҷорӣ хубтар истифода карданд,- иброз доштанд дар раёсати растанипарварии вазорати кишовазӣ   ба мухбри АМИТ «Ховар».