ҒОЛИБОНИ ОЛИМПИАДА

Душанбе, 12 март. (АМИТ «Ховар», Людмила  Дубинина. —  Талабаи синфи  11 гимназия —  интернати  муштараки  Тоҷикистону  Русия  Афзали  Беҳрӯз   дар  Олимпиадаи  кушоди  талабагони   мактабҳои   миёнаи  саросари  Русия, ки  аз 7  то  9  март  дар  Донишкадаи  физикию  техникии  Маскав  баргузор  гардид,  ҷои  дуюмро  гирифта,  ба  дипломи  дараҷаи  дуюм  соҳиб  шуд. Дар  натиҷа  талабаи  тоҷик  ҳуқуқ  пайдо  кард, ки   ба  яке  аз  донишгоҳҳои  бонуфузи Федератсияи  Русия  бо  шартҳои  имтиёзнок дохил  гардад. 9 талабаи  дигари  ҳамин гимназия  ҳамчун  ғолибон  ва барандагони  ҷоизаҳои  олимпиадаҳои  интернетӣ  даъват  карда  шуданд, ки   аз рӯи  фанҳои  физикаю  математика ва  барномасозии  компютерӣ  дар  олимпиадаҳои  оянда  ширкат  варзанд. Инчунин  ду талабаи  гимназия  дар  олимпиадаи  физика,  3  нафари дигар  дар  олимпиадаҳои  технологияи  иттилоотӣ,  механика  ва  оптика ва  4  нафари дигар  дар  олимпиадаи  математика  иштирок  хоҳанд  кард. Дар  мавриди ғолиб омадани  талабагони тоҷик  онҳо ҳуқуқ  пайдо  мекунанд, ки  бе  имтиҳони  дохилшавӣ  ба  мактабҳои олии  Русия  қабул  шаванд.