ҶОИЗАИ ПРЕЗИДЕНТИ ТОҶИКИСТОН БА ОСОРХОНА СУПОРИДА ШУД

Душанбе,  31 март. (АМИТ «Ховар»,  Лутфия  Эшонқулова). – Ҷоизаи  махсуси  Созмони  Милали  Муттаҳид «Ҳадафҳои  асосии  рушди  ҳазорсола», ки   чанд  рӯз  пеш  ба   Сардори давлати  Тоҷикистон  Эмомалӣ  Раҳмон   супорида шуда буд,  имрӯз  ба  Осорхонаи  миллии  ба  номи Камолиддини  Беҳзод  тақдим  карда  шуд. Э.Раҳмон  барои  саҳми  бузургаш  дар  бобати  ба  даст   овардани  Ҳадафҳои  рушди  ҳазорсола  ба  ин  ҷоиза  сазовор  гардида буд. Директори  осорхона  Абдувалӣ  Шарифов  ба  АМИТ «Ховар»  дод, ки  ҷоизаи  Президент  дар  ганҷинаи  осорхона  таҳти  рақами  махсус ба  қайд  гирифта,  дар  толори  махсуси  ба  Президент  бахшидашуда,  ба  намоиш  гузошта шуд. Бояд  гуфт, ки  Эмомалӣ  Раҳмон  нахустин  барандаи ҷоизаи  СММ  дар  масъалаи  ба  даст  овардани  Ҳадафҳои рушди  ҳазорсола  мебошад.