64 ФОИЗИ ТЕХНИКА ДАР ҲОЛАТИ ТАЙЁР

Душабе, 2 март. (АМИТ «Ховар», Лаззат Диловарзод).- Бино ба иттилои Раёсати сиёсати техникии Вазорати кишоварзӣ, дар моҳи феврали соли 2010 дар корхонаҳои кишоварзӣ ва хоҷагиҳои деҳқонӣ 14 ҳазору 324 адад тракторҳои гуногунтамға ба қайд гирифта шудааст, ки аз он 9191 адад ё 64 фоизи он дар ҳолати коршоямӣ қарор доранд. Омода намудани  тракторҳо ба корҳои саҳроӣ нибат ба ҳисоби миёнаи ҷумҳурӣ дар хоҷагиҳои вилояти Хатлон 60 фоиз, ноҳияҳои Варзоб -43, Файзобод – 46, Турсунзода – 50, Шаҳринав – 55 ва Тоҷикобод – 63 фоиз кам мебошад. Аз 2905 тракторҳои шудгоркунанда 1769 – тои он ба кор омода карда шудааст. Ин нишондиҳанда дар хоҷагиҳои вилояти Хатлон – 55 фоиз, Ноҳияҳои Роғун – 29, Ваҳдат -43, Турсунзода -46, Шаҳринав- 46 ва Тоҷикобод – 57 фоизро ташкил медиҳад.