732 НАФАР БА ҶОЙҲОИ КОРИ ХОЛӢ РОҲХАТ ГИРИФТАНД

Душанбе, 16  март. (АМИТ «Ховар», Ибодат Давлатова). —  Имрӯз 16 марти соли ҷорӣ бо ташаббуси Хадамоти муҳоҷирати Вазорати корҳои дохилии Ҷумҳурии Тоҷикистон   ярмаркаи чойҳои кории холӣ баргузор гардид, ки дар он беш аз якуним ҳазор корҷуяндагон иштирок намуда,  теъдоди 31 ширкатҳои саҳҳоми ва субьектҳои хочагидор фаъолона ширкат варзиданд. Тавре ба мухбири АМИТ «Ховар» аз Хадамоти муҳоҷирати ВКД ҶТ иттилоъ доданд, дар ярмаркаи чойҳои кории холӣ шаҳрвандон аз рӯи ихтисосҳои муҳандис, меъмор, хиштчин,   сохтумончи, кафшергари барқи, ронанда, муҳандис ва дигар ихтисосҳо дар кишварҳои Федератсияи Россия, Ҷумҳурии Қазоқистон, Мамлакати Арабистони Сауди ва Иёлоти Муттаҳидаи Амрико  пешкаш гардида буданд. Дар  чорабинии мазкур субъектҳои хоҷагидори корхонаи Биржаи меҳнатии ҷавонон, ҶДММ «Замони Юнус», ҶДММ «Грант», ҶДММ «Томсон», ҶДММ «Олами саёҳат», ҶДММ «Веритас», ҶДММ «Нио-Чао», ҶДММ «Муҳоҷират -ТҶ», ҶДММ «АСПМК-519», ҶДММ «Муҳоҷир», ҶДММ «Маркази суннатии тоҷикон», ҶДММ «Экзчейндж Партнёрз», ҶСП «Си Эйч Эл Интернешнл», ҶДММ «Авранги кабуд», ҶДММ «Сингда», ҶДММ «Ормон» ва дигар ширкатҳо иштирок намуда, 732 нафар хоҳишмандон  ба ҷойҳои кори холӣ роҳхат гирифтанд. Бояд тазаккур дод, ки дар рафти ин чорабинии муҳим аз ҷониби ҳайати шахсии Хадамоти муҳоҷирати ВКД ҶТ ва субьектҳои хоҷагидори дорои иҷозатномаи Хадамоти муҳоҷират ба маблағи 53 ҳазору сесад сомони барои НБО-и Рогун саҳмия харидори гардид. Инчунин,  бояд қайд намуд, ки  охири моҳи марти соли равон аз ҷониби ширкати Замони Юнус, ки аз ҷониби Хадамоти муҳоҷират иҷозатнома дода шудааст ба теъдоди 1250 нафар шаҳрвандони Ҷумҳурии Тоҷикистон ба мамлакати Арабистони Сауди фиристода шуда, бо ҷойҳои кории холи таъмин хоҳанд шуд.