ПОДОШИ ПАЙРАВОНИ «ҶАМЪИЯТИ ТАБЛИҒ» ЧИСТ?

Душанбе, 10 март. (АМИТ «Ховар», Дилшодаи Ҷонмард).- Бо ҳукми коллегияи судӣ оид ба парвандаҳои ҷиноятии Суди Олии  Ҷумҳурии Тоҷикистон  аз 5 марти соли 2010 Исоев Х.Ш., Абдиев С.А., Давлатов Х.К., Тошматов М.У. ва дигарон (ҷамъ 56 нафар) бо моддаи 3073,  қисмҳои 1 ва 2 КҶ ҷумҳурии Тоҷикистон барои ташкил ва иштирок дар фаъолияти «Ҷамъияти Таблиғ», ки нисбати он аз ҷониби суд қарори эътибори қонунӣ пайдо карда, дар бораи манъи фаъолияташ бо сабаби ба амал баровардани фаъолияти экстремистӣ қабул шудааст, гунаҳгор дониста шуда, маҳкум шуданд. Нисбати 23 нафар маҳкумшуда ҷазо дар намуди маҳрум сохтан аз озодӣ ба муддати аз 3 то 6 сол ва нисбати 33 нафар ҷазо дар намуди  ҷарима ба фоидаи давлат ба андозаи аз 1000 то 2000 нишондиҳанда барои ҳисобҳо татбиқ карда шудааст.