«ТОҶИРОН» ҲАСТ, «TОJBOSCH» МЕШАВАД

Душанбе, 18 март. (АМИТ «Ховар», Лаззат Диловарзод).- Дар давоми соли 2010 маҳсулоти иттиҳодияи калонтарини истеҳсолкунандаи мошинҳои сабукраву боркаш ва даҳҳо маҳсулоти молҳои маишии «BOSCh» барои мутахассисони Тоҷикистон муаррифӣ мегардад. Сарвазири мамлакат Оқил Оқилов ба ҳайати намояндагони иттиҳодияи мазкур аз тайёр будан ба ҳамкориҳои самарабахши иқтисодӣ изҳори қаноатмандӣ кардааст. Мутахассисони тоҷик бо омӯзиши бозори Осиёи Марказӣ ва Афғонистон истеҳсоли маҳсулоти зарурии ин иттиҳодияро дар Тоҷикистон ба роҳ  монданианд. Алҳол пешгӯӣ кардан мушкил, аммо дар сурате, ки Тоҷикистон бо мутахассисони эронӣ корхонаи саноатии «ТоҷИрон» — ро бунёд намуданд, «TOJBOSh» — ро ҳам сохта метавонанд.