АЗ ҒОРАТГАРӢ ТО НАШЪАҶАЛЛОБӢ

Душанбе, 20 апрел. (АМИТ «Ховар», Жасмин Назарова). – Ҳангоми гузарондани чораҳои фаврӣ-ҷустуҷўӣ 18 апрел дар кўчаи Кариманни ноҳияи Шоҳмансур аз ҷониби кормандони шўъбаи сеюми Раёсати мубориза бар зидди муомилоти ғайриқонунии маводи нашъадори ВКД шаҳрванд Дилшод Шукуров, соли таваллудаш 1976, истиқоматкунандаи ноҳияи Рўдакӣ, қаблан бо моддаҳои 248, 249 КҶ ҶТ доғи судӣ дорад, ва Ҷумъахон Эмомов, соли таваллудаш 1985, сокини ноҳияи Ҳамадонӣ дарстгир карда шуданд. Тавре аз дафтари матбуоти Вазорати корҳои дохилии ҶТ иттилоъ доданд, ҳангоми кофтукови шахсӣ аз борхалтаи онҳо 2 кг 100 гр маводи нашъадори навъи бангдона дарёфт ва мусодира карда шуд. Нисбати ин далел парвандаи ҷиноӣ оғоз шуда, тафтишот идома дорад.