ЧАНД МИЛЛИОН КИЛОВАТТ- СОАТ НЕРӮИ БАРҚ САРФА ШУД?

Душанбе, 24 апрел.(АМИТ «Ховар», Марзия Саидова).- «2 миллиард киловатт-соат нерӯи барқ дар Ҷумҳурии Тоҷикистон дар давоми як сол бо гузариш ба истифодаи лампаҳои каммасраф сарфа гардидааст, гуфт Президенти Ҷумҳурии Тоҷикистон дар Паёми навбатии худ ба Маҷлиси Олии мамлакат 24 апрели соли 2010. Ба андешаи Сардори давлат гузариш ба истифодаи лампаҳои каммасраф дар қаламрави мамлакат на танҳо ба сарфаи нерӯи барқ , балки муҳимтар аз ҳама фасли тирамоҳу зимистонро мардум бо азоби камтар паси сар намуд. Президенти мамлакат афзуд, ки барои таъмини амнияти энергетикӣ ва паст кардани сатҳи вобастагии кишвар аз воридоти сӯзишворӣ сарфаю сариштакорӣ афзалияти бештар дорад. Ҳамзамон, Сардори  давлати Тоҷикистон таъкид сохт, мо бояд аз рӯи ғунҷоиши истеҳсоли маҳсулоти дохилӣ ба кишварҳои тараққикарда наздик шавем. Аз ин рӯ, ба мо зарур аст, ки хароҷоти барқро барои коркарди маҳсулоти дохилии мамлакат ҳар сол то 3-4 % кам намоем. Дар ҳолати  амалӣ шудани ин тадбир солона ҳудуди  200-270 ҳазор тонна сӯзишворӣ сарфа мегардад.