ДАР ВОСЕЪ НАҚШАИ БУҶЕТ 103 ФОИЗ ИҶРО ГАРДИД

Восеъ, 21 апрел. (АМИТ «Ховар», Сулаймон  Холов). —     Дар  ноҳияи  Восеъ  нишасти  матбуоти    бо  иштипроки   хабарнигорони  ВАО-и  маҳали  ва  хориҷи  баргузор  гардид.  Раиси   ноҳия  Султон  Валиев  аз  вазъи  иқтисодию  иҷтимоии  ноҳия  ба  хабрнигорон   ахборот  дода  гуфт, ки     дар  се  моҳи  соли  ҷори  нақшаи  даромади  буҷет   103,1 %  таъмин   гардид,  ки  маблағи  он  1 357 732  сомониро  дар  бар  мегирад. Ба  гуфтаи  ин  манбаъ бақияи  қарзи  андоз  ба  1.04.2010  2 606  ҳазор сомониро дар  бар  гирифта   нисбат  ба   аввали   соли  ҷори  251  ҳазор   кам  мебошад.Инчунин  иттилоъ  дод,ки  шумораи  нафақагирон   дар  ноҳия   14806  нафарро  ташкил  дода     нафақаи      нафақагирон     барои  моҳҳои   январ,  феврал   пурра  ва  моҳи  март  қисман  пардохт  гардидааст,  ки  маблағи  умумии  он  то  имрӯз  3 362 582  сомонӣ  мебошад.