КИШТИ БАҲОРИИ КАРТОШКА

Душанбе, 7 апрел. (АМИТ «Ховар», Лаззат Диловарзод).-  Тибқи маълумоти Раёсати растанипарварии вазорати кишоварзӣ, соли ҷорӣ дурнамои кишти картошка дар хоҷагиҳои картошкапарвари ҷумҳурӣ дар майдони 13 ҳазору  101 гектар пешбинӣ шудааст. То 5 – уми апрели соли ҷорӣ хоҷагиҳои деҳқонӣ (фермерӣ) – и ҷумҳурӣ дар майдони 2490 гектар картошка кишт намуданд, ки ин баробари 19 фоизи нақшаи пешбинишуда мебошад. Дар ин муддат, картошкапарварони вилояти Хатлон дар майдони 1519 гектар ва ноҳияҳои тобеи ҷумҳурӣ дар майдони 748 гектар картошка шинонданд, ки ин мутаносибан 61 ва 17 фоизи дурнаморо ташкил медиҳад.