МАҲСУЛОТИ КИШОВАРЗӢ ДАР ҶУМҲУРӢ АФЗУД

Душанбе, 23 апреля. (АМИТ «Ховар, Покиза Маҳмадбекова). – Ҳаҷми маҳсулоти кишоварзӣ дар се моҳаи авали соли 2010 ба маблағи 449,3 миллион сомонӣ расид, ки ин нишондиҳанда нисбати ҳамин давраи соли гузашта 5,7 фоиз зиёд мебошад.  Дар соли 2009 истеҳсоли ғалла ба маблағи як миллиону 294,7 ҳазор сомонӣ расид. Аз ҷумла, 800 ҳазор тонна гандум, ки нисбати соли 2008- ум  37,3 фоиз афзоиш ёфтааст.   Аз рӯи иттилоъи Раиси Агентии омори назди Президенти Ҷyмхурии Точикистон Бахтия Мухаммадиева то якуми апрели соли 2010 дар ҷумҳурӣ маҳсулоти умумии дохилии истеҳсолшуда ба маблағи 3992,9 миллион сомонӣ расид, ки нисбати семоҳаи аввали соли 2009-ум 106, фоиз афзудааст. Дар ҳамаи категирияҳои хоҷагӣ 1090 тонна сабзавот истеҳсол карда шудааст, ки ин нисбати ҳамин давраи соли гузашта 2,4 фоиз афзудаст. Гардиши савдои хориҷӣ бошад, якҷоя бо қувваи барқ ва гази табиӣ 793,9 миллион доллари амрикоиро ташкил дод, ки ин нисбат ба ҳамин давраи соли 2009 ба маблағи 7,3 миллион доллари амрикоӣ камтар аст. Тарозӣ савдо манфӣ буда, 288,3 миллион долларо ташкил дод. Ҷумҳурии Тоҷикистон бо 73 мамлакат, аз ҷумла бо 10 мамлакати ИДМ ва бо 63 давлати хориҷӣ дур муносибати савдои хориҷӣ дорад.