НАҚШАҲО АМАЛӢ ХОҲАНД ШУД

Турсунзода, 19 апрел.(АМИТ «Ховар»,Ҳотам Рабиев).-Кишоварзони ноҳияи Турсунзода азм доранд, ки имсол 37 ҳазору 305 тонна ғалла, 42 ҳазор тонна сабзавот, 5 ҳазору 75 тонна пахта, 14 тонна пилла, 5 ҳазору 555 тонна  меваҷот , 8 ҳазору  920 тонна ангур, 4 ҳазору 778 тонна гӯшт, 26,5 тонна асал ва дигар маҳсулотҳои кишоварзӣ истеҳсол намоянд.Алҳол кишти пунбадона дар масоҳати 1 ҳазору 50 гектар ва кишти дигар намудҳои зироатҳои кишоварзӣ бомуваффақият давом дорад. Кишоварзон баҳри амалӣ намудани мақсадҳои наҷибашон аз тамоми қоидаҳои агротехникӣ истифода мебаранд. Махсусан дар ин кор деҳқонони  хоҷагиҳои  «Дӯстӣ», ба номи Аскаралӣ Мирзоев, хоҷагии деҳқонии  «Боғи Сомон»  пешсафанд.