ПЕШБИНИИ БОНКИ ОСИЁГИИ РУШД

Душанбе, 20 апрел. (АМИТ «Ховар», Лаззат Диловарзод).- Намояндаи доимии Бонки Осиёгии Рушд дар Тоҷикистон Макота Отҷиро ҳангоми муаррифии маҷаллаи солонаи «Тафсири рушди             Осиё -2010» аз пешрафти иқтисодиёти Осиёи Марказӣ иттилоъ додааст. Бо вуҷуди мушкилоти ҷаҳонии бӯҳрони молиявии соли 2009,  моро рӯзҳои хуб дар пешанд, — гуфта шудааст дар  маҷаллаи мазкур.  Кам шудани интиқоли маблағи муҳоҷирони корӣ, мушкилоти иқтисодии Федератсияи Русия ва Қазоқистон барои Тоҷикистон ва     паст шудани нархи пахта ва алюминии дар бозори ҷаҳонӣ ба иқтисодиёти ҶТ   низ бе асар намонд. Аз таҳлили дар  маҷалла овардашуда бар меояд, ки дар ду соли минбаъда  — (2010 — 2011), иқтисоди давлатҳои қабулкунандаи муҳоҷирони меҳнатӣ беҳтар мегардад ва нархи пахтаю алюминӣ  дар бозори ҷаҳонӣ боло меравад. Дар алоқамандӣ бо ин,  тахмин кардан мумкин аст, ки иқтисодиёти Тоҷикистон дар соли 2010 – 4 ва   соли 2011 5 фоиз боло меравад,- пешбинӣ кардааст дар маҷаллаи мазкур,  намояндаи Бонки Осиёгии Рушд дар Тоҷикистон Макота Отҷиро.