РОҲ БА СӮИ БАДАХШОН АЗ ТАРИҚИ АҒБАИ ХОБУ РАБОТ

Душанбе, 21 апрел. (АМИТ «Ховар», Лаззат Диловарзод).- Бино ба иттилои сардори шӯъбаи ситоди ҳолатҳои фавқулодда ва  мудофиаи граждании Вилояти Мухтори Кӯҳистони Бадахшон Мунаввар Мирзомустақимов, бо сабаби боронҳои рӯзҳои 11, 17 ва 18 – уми апрели соли ҷорӣ роҳи Кӯлоб – Шоҳон – Зиғар дар чанд ҷой шуста шуда,  кӯпрукҳои мошингузар валангор гардиданд, ки барои барқарор кардани он камаш 20 -25 рӯз лозим аст.  Аз ин рӯ барои тоза кардану кушодани роҳи ағбаи Хобу Рубот зарурат пеш омадааст. Айни замон 4 техникаи роҳтозакунӣ ба ағбаи мазкур бурда шудаст, ки онҳо дар байни 2 – 4 рӯз роҳи ағбаро аз барфу сел тоза намуда, равуои мошнҳоро ба Бадахшон таъмин менамоянд. Бояд тазаккур дод, ки дар давоми 10 рӯзи баста шудани роҳи Кӯлоб – Қалъаихум – Хоруғ нархи маводи озуқа ва масолеҳи бинокорӣ 10 -15 фоиз боло рафт ва қимати як халта семент аз 50  ба 61 ва нархи як халта орд аз 70 ба 85 сомонӣ расидааст. Ҳамчунин нархи дигар маҳсулоти хӯрокворӣ бо сабаби камчин шуданашон дар бозорҳои вилоят низ боло рафтааст.