САРҲАДҲОИ БОЗ

Душанбе,  5 апрел.(АМИТ «Ховар», Лутфия Эшонкулова).-Аз 9 то 12 апрел дар Душанбе Фестивали беҳтарин филмҳои давлатҳои ИДМ таҳти унвони «Кино: сарҳадҳои боз» гузаронида мешавад. Дар фестивал беҳтарин  филмҳои тозаэҷоди Беларус, Русия ва Украина намоиш дода мешаванд. Ҳамчунин дар доираи он барои тамошобинон вохӯриҳо бо муаллифон, коргардонҳо ва ҳунармандони кинофилмҳо ташкил карда хоҳанд шуд.      Дар Кумитаи телевизион ва радиои назди Ҳукумати ҶТ ба мухбири АМИТ «Ховар» хабар доданд, ки ҷашнвораи мазкур бо ташаббуси Бунёди байналмилалии ҳамкориҳои гуманитарии давлатҳои ИДМ баргузор мегардад. Фестивал бо намоиши  филми «Саодатманд» (Блаженная) оғоз меёбад. Ғайр аз ин дар давоми се рӯз  мухлисони санъати кино метавонанд аз тамошои филмҳои «Зани мусофир», «Қиссаи як ҷанг», «Барқи сиёҳ» ва ғайра баҳра баранд.