ШАРТНОМА БО ОБИСТИФОДАБАРАНДАГОН

Душанбе, 29 апрел. (АМИТ «Ховар», Лаззат Диловарзод).- Тибқи  маълумоти Вазорати мелиоратсия ва захираҳои оби ҷумҳурӣ, дар давоми семоҳаи аввали соли 2010 барои мавсими обёрӣ дар соли ҷорӣ аз тарафи идораҳои зертобеи вазорати мазкур бо 5 ҳазору 729 обистифодабарандагон баҳри оберии  зироатҳо ва боғу киштзорашон  дар масоҳати 335 ҳазору 209 гектар барои хизмати обрасонӣ шартнома ба имзо расонида шудааст, ки ин 61 фоизи обистифодабарандагонро ташкил медиҳад. Ҷиҳати муташаккилона гузаронидани мавсими обёрӣ, корҳои таъмири шабакаҳои обдиҳӣ ва тозакунии шабакаҳои обёриро дар ҳаҷми 3343,3 ҳазор метри кубӣ, заҳбуру заҳкашҳо дар ҳаҷми 1828, 3 ҳазор метри кубӣ,   таъмири 694 иншоотҳои гидротехникӣ,  ҳамчунин,  корҳои танзими сарбандҳоро ба маблағи 457,8 ҳазор сомонӣ анҷом дода шудааст.