ВАЗЪИ НАҚЛИЁТ ДАР ХАТЛОН

Қӯрғонтеппа, 29 апрел. (АМИТ «Ховар», Юсуфбек Беков).- Дар 13 шаҳру ноҳияҳои вилояти Хатлон 42 ҳазору 79 адад нақлиётҳои гуногунтамға ба қайд гирифта шуда, аз ин 4 ҳазору 785 ададаш ба соҳибкорӣ машғул буда, 76 фоизи онҳо  иҷозатномаи фаъолият доранд. Аз он ҷумла шумораи автомобилҳои сабукрав 35 ҳазору 978 ададро ташкил медиҳад, изҳор дошт дар нишасти матбуотӣ Тоҷиддин Сафаров, сардори раёсати Хадамоти давлатии назорати танзим дар соҳаи нақлиёт дар минтақаи Қӯрғонтеппа.          Дар давоми се моҳи соли ҷорӣ  аз тарафи шӯъбаҳои нозирони муттасадии шаҳру ноҳияҳои Раёсат 296 маротиба рейдҳои муштарак гузаронида, 1330 адад воститаҳои нақлиёт зери санҷиш қарор дода шуда, ба 28 нафар шахсони ҳуқуқӣ  ва воқеӣ  огоҳнома додаанд.