ҚУРБОНИЁНИ ФАЛОКАТҲОИ ТАБИӢ ДАР АФҒОНИСТОН

Душанбе,  8 май. (АМИТ «Ховар»). —  Дар  натиҷаи  боридани  боронҳои тӯлонӣ  ва  шадид  дар  давоми   рӯзҳои охир  дар  баъзе  минтақаҳои  Афғонистон 60 нафар  ҳалок  шуд. Инчунин  дар  натиҷаи  боришҳои  шадид  зиёда  аз  600  хона  хароб  гардид. Ҳукуматдорони  вилояти  Ҳирот  хабар  медиҳанд, ки  дар  давоми шабонарӯзи охир бар  асари  боришҳо  дар  ин  ҷо  54  нафар  ҳалок  шуд.  Инчунин  22  нафари дигар  беному  нишон  гум  шудааст.  Сели  дирӯз  дар  вулусволии  Боломурғоби  вилояти  Бодғис  омада,  9 нафар  бачагони  хурдсолро  рабуд. Дар  натиҷаи  боришҳо  танҳо  дар  вилояти  Балх  қариб  300  манзили  истиқоматӣ  хароб  шуд. Инчунин  Бунгоҳи  тақсими  қувваи барқ  аз кор баромад, ки  дар  натиҷаи он  шаҳри  Мазори  Шариф  бе  қувваи барқ  монд.