ҲАҶМИ ИСТЕҲСОЛИ МАҲСУЛОТИ САНОАТӣ ДАР ФАРХОР МЕАФЗОЯД

Фархор, 7 май. (АМИТ «Ховар», Сулаймон  Холов). — Корхонаҳои   саноатии  ноҳияи  Фархор  ҳаҷми  маҳсулотҳои  саноатиро  дар   се  моҳи  соли ҷорӣ  ба  миқдори  9157,5 ҳазор  сомони  расонидаанд, ки  ин  шумора  нисбат ба ҳамин давраи соли гузашта  117,9 %  зиёд  мебошад  гуфт  муовини  аввали  раиси ноҳия Нурали  Гулов  ва  афзуд,  ки дар  ин  давра  корхонаҳои  саноатӣ  943 т  нахи  пахта, 37, 3 т  калобаи  ришта, 76 т  равғани  соф , 649 т орд, 114 т нон ва маҳсулотҳои  нонӣ, 2635, 7 ҳазор  сомонӣ   молҳои истеъмолии халқ истеҳсол карда дастраси  мизоҷон  гардониданд. Ба  гуфтаи  ин  манбаъ  дар  ин  самт  корхонаҳои  саноатии   «Зиёратшоҳ»,  «Фаррес», «Мухтор-С», «Некрӯз» фаъол буда, истеҳсолотро   нисбати нақша барзиёд иҷро намуданд. Нурали  Гулов  афзуд  азбаски  аксари маҳсулоти ниёзи мардум аз худи  корхонаҳои саноатӣ ва хоҷагиҳои кишоварзии  ноҳия истеҳсол мегардад  айни   ҳол  дар  бозори  марказӣ  нархи  равғани  пахта,  орд, маҳсулотҳои нонӣ, картошка, пиёз, шолӣ, ғалладонаги ва дигар маҳсулотҳо 30% нисбат ба соли  сипаригардида  арзон  ба  фурӯш бароварда  шудааст.