БЕШ АЗ 37 ҲАЗОР КАДРҲОИ ОМӮЗГОРӢ

Душанбе, 28 май. (АМИТ «Ховар», Лаззат Диловарзод).- Низоми таҳсилоти 12 – сола дар ҷумҳурӣ мушкилоти нарасидани ҷойи нишаст, кадрҳои омӯзгорӣ ва нарасидани синфхонаҳоро зиёд мекунад, аммо барои роҳ надодан ба камбудиҳо аз имрӯз омодагӣ бояд дид,- иброз дошт вазири маориф Абдуҷаббор Раҳмонов. То соли 2016 эҳтиёҷ ба кадрҳои омӯзгорӣ ба 17 ҳазору 400 нафар мерасад. Бо назардошти дурнамои рушди соҳа, дар солҳои 2011- 2016 сохтмони 1050 мактаб, 1460 синфхона, ки дар маҷмӯъ 157 ҳазор ҷойи нишастро ташкил медиҳад, дар назар доша шудааст. Ҳамчунин дар  давоми солҳои 2011 – 2016 бо назардошти зиёд шудани синфҳои таълимӣ ва афзоиши  шумораи хонандагон дар мактабҳои олии омӯзгорӣ 37 ҳазору 700 нафар мутахассисони соҳаи  педагогӣ  тайёр карда мешаванд.