КӮМАКИ БАДАХШОН БА ХАТЛОН

Душанбе, 13 май. (АМИТ «Ховар», Л. Додоев). – Аз ҷониби мақомоти иҷроияи ҳокимияти давлатии ВМКБ ба навоҳии осебдидаи вилояти Хатлон расонидани кӯмак идома дорад. Субҳи рӯзи 13-уми майи соли равон як КАМАЗ таҳти роҳбари сардори Ситоди ҳолатҳои фавқуллодаи вилоят Дӯсталӣ Худоёров ба манотиқи аз офати таббии зарардидаи вилояти Хатлон сафарбар шуд.             Дӯсталӣ Худоёров гуфт, ки асосан ба зарардидагон маҳсулоти хӯрока асбобу анҷоми рӯзгор бурда мешавад. У афзуд, ки минбаъд низ ин иқдом идома хоҳад ёфт.