КӮМАКИ БАШАРДӮСТОНАИ ҚАЗОҚИСТОН БА ТОҶИКИСТОН
Душанбе, 4 май. (АМИТ «Ховар», Людмила Дубинина). — Ҳукумати Ҷумҳурии Қазоқистон хоҳиши Ҳукумати Тоҷикистонро ба инобат гирифта, қарор дод, ки ба ҷумҳурии мо ба маблағи 341 ҳазору 300 доллари ИМА кӯмаки башардӯстона расонад. Бояд гуфт, ки Қазоқистон соли равон ба Тоҷикистон бори дуюм кӯмаки башардӯстона мерасонад. Кӯмаки аввал ба мамлакати мо аз 1000 тонна ярмаи биринҷ ва 1500 тонна равғани наботӣ иборат буд. Маблағи барои кӯмаки дуюм ҷудокардашуда ояндаи наздик ба суратҳисоби махсуси Агентии захираҳои моддии давлатии назди Ҳукумати мамлакат гузаронида хоҳад шуд. Қайд кардан лозим аст, ки муносибатҳои Тоҷикистону Қазоқистон солҳои охир муттасил густариш меёбанд. Роҳбарони ҳар ду кишвар масъалаҳои муҳимтарини сиёсию иқтисодӣ, фарҳангӣ ва ғайраро бо роҳҳои мусолиматомез ва бо назардошти манфиатҳои ҳамдигар ҳаллу фасл менамоянд.
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Имрӯз дар баъзе минтақаҳои Тоҷикистон борон меборад
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
