КОРХОНАҲОИ КОРКАРДИ НАХИ ПАХТА МЕАФЗОЯД

Душанбе, 8 май.(АМИТ «Ховар», Марзия Саидова).-«Дар давоми соли 2009 дар ҷумҳурӣ 9 корхонаи саноати сабук ба фаъолият шурӯъ кард», гуфт зимни сӯҳбат ба хабарнигори АМИТ «Ховар», муовини вазири энергетика ва саноати ҷумҳурӣ Маҳмадшариф Сулаймонов. Корхонаҳои саноатии мазкур асосан ба коркарди  нахи пахта махсус гардонидашуда,  дар ноҳияҳои Ёвон, Спитамен ва шаҳри Хуҷанд таъсис дода шудааст. Маҳмадашриф Сулаймонов афзуд, ки алҳол дар бахши саноати сабук  5 барномаи соҳавӣ дар ҷумҳурӣ амал карда истодааст, ки он то соли 2015 татбиқ карда мешавад. Мавсуф, афзуд, ки рушди саноати сабук, бахусус башхи нассоҷӣ дар маркази таваҷҷӯҳи Ҳукумати Ҷумҳурии Тоҷикистон қарор дошта, дар мавриди ташкили корхонаҳои саноатӣ, тамъини аҳолии кишвар,  бахусус занону духтарон бо ҷойи кори доимӣ ва баланд бардоштани музди меҳнатӣ онҳо тадбирҳои  мушаххас меандешад. Аз ин рӯ, корхонаҳои саноатие ба кор андохта мешаванд, ки аввалан бояд бозори худро дарёфт намоянд ва дар рушди иқтисодиёт ва баланд бардоштани вазъи иҷтимоии ҷомеа саҳмгузор бошанд.